Polimerlar kimyosi va fizikasi insitituti olimlari ko‘zning virusli kasalliklariga qarshi bioeruvchan dori plyonkasini yaratdi.
Polimerlar kimyosi va fizikasi insitituti olimlari ko‘zning virusli kasalliklariga qarshi bioeruvchan dori plyonkasini yaratdi.
Xalqaro hamkorlik
05.06.2025
Xalqaro hamkorlik
15.04.2025
“Gibrid Noorganik-Organik Perovskit Quyosh Xujayralari Bilan Kosmosda Engil, Ba…
27.03.2025
Ishlab chiqarishga integratsiya!
25.02.2025
Institut xodimlarining Turkiyaning Firat universitetiga ilmiy xizmat safari
10.12.2024
O‘zR FA Polimerlar kimyosi va fizikasi instituti yosh olimlari “INNOWEEK-2024” …
21.11.2024
Institut xodimlari taktik o‘quv mashg‘ulotlarida ishtirok etdilar
04.11.2024
“Polimer fanining hozirgi holati va rivojlanish istiqbollari: sintezi, tuzilish…
25.10.2024
O‘zbekiston-Tojikiston xalqaro simpoziumi: Polimerlar haqidagi fanning hozirgi …
23.10.2024
Polimerlar kimyosi va fizikasi insitituti olimlari ko‘zning virusli kasalliklariga qarshi bioeruvchan dori plyonkasini yaratdi.
Qashqadaryo viloyati Shahrisabz tumanida tug‘ilib o‘sgan Akobirkhon Shukurov bugungi kunda mamlakat ilm-fanida yosh avlod yetakchilaridan biri sifatida tan olinmoqda. U 2016 yilda magistrlik, 2021 yilda texnika fanlari bo‘yicha falsafa doktori darajasini olgan. O‘z ilmiy yo‘lini u to‘liq O‘zbekiston Fanlar Akademiyasining Polimerlar kimyosi va fizikasi institutida boshlab, o‘n yildan ortiq vaqt davomida tadqiqotlar olib bormoqda.
Uning asosiy tadqiqotlari polimer asosidagi dori vositalarini yaratishga qaratilgan. Shukurovning eng muhim kashfiyoti — “GlazAvir” deb nomlangan, ko‘zdagi virusli kasalliklarni davolash uchun mo‘ljallangan noyob bioeruvchan plyonkadir.
Juda yupqa va bir vaqtning o‘zida samarali bu plyonka ko‘zga qo‘yilgandan keyin asta-sekin eriydi va dori moddasi to‘g‘ridan-to‘g‘ri zararlangan to‘qimaga yetkaziladi. Shu bois davolash samaradorligi bir necha marta yuqori bo‘ladi. “GlazAvir”ning ta’siri nafaqat viruslarga qarshi, balki yallig‘lanishni kamaytirish va immunitetni mustahkamlashga ham qaratilgan.
Laboratoriya va klinikagacha bo‘lgan sinovlar shuni ko‘rsatdiki, bu doridan foydalanilgan hayvonlarda kasallik belgilarining yo‘qolishi an’anaviy usullarga nisbatan tezroq kechgan va umr davomiyligi ham ko‘proq bo‘lgan.
Ammo hozircha O‘zbekistonda bunday turdagi plyonka dorilarini ommaviy ishlab chiqaradigan farmatsevtik korxona yo‘qligi sababli, klinik sinovlar va ishlab chiqarish jarayoni kechikmoqda.
Shunga qaramay, yosh olim 40 dan ortiq maqolalar muallifi sifatida xalqaro maydonda ham tanilgan. Bugun u “Sellyuloza va uning hosilalari kimyosi va texnologiyasi” laboratoriyasida katta ilmiy xodim bo‘lib, tadqiqot olib borish bilan birga yoshlarga ilmni o‘rgatishda ham faol ishtirok etmoqda.
Akobirkhon Shukurovning mehnatsevarligi va sadoqati uni institutdagi eng nufuzli olimlardan biriga aylantirgan. Uning “GlazAvir” ixtirosi esa nafaqat milliy, balki jahon oftalmologiyasida ham muhim o‘rin egallashi mumkin.
Sana:18.08.2025