Nanostrukturali kompozitsion polimer materiallar laboratoriyasi

Laboratoriya yo'nalishi

Ilmiy tadqiqotlar ikki asosiy yo‘nalishda olib borilmoqda:

perovskitlar, polikonyugatsiyalangan polimerlar va alternativ energiya manbalari asosida nanogibrid va polimerli tuzilmalar orqali energiyani konversiyalash jarayonlarini o‘rganish;
O‘zbekistonda ishlab chiqarilayotgan poliolefinlar asosida nanokompozitsion polimer aralashmalarini yaratish.

Ushbu tadqiqotlar zamonaviy energiya texnologiyalarini rivojlantirish va mahalliy polimer resurslaridan samarali foydalanishga qaratilgan.

Nanostrukturali kompozitsion polimer materiallar laboratoriyasi

Bazaviy moliyalashtirish manba’lari asosida olib borilayotgan ilmiy tadqiqotlar ikki asosiy yo‘nalishda amalga oshirilmoqda.

I yo‘nalish doirasidagi loyiha mavzusi:
«Alternativ energiya manbalari, perovskitlar va polikonyugatsiyalangan polimerlar asosida nanogibrid va polimerli tuzilmalar orqali energiyani konversiyalash jarayonlarini o‘rganishga qaratilgan fundamental tadqiqotlar».
Ushbu yo‘nalish zamonaviy energiya muammolarini hal etish uchun yuqori samarali, arzon va ekologik toza texnologiyalarni ishlab chiqishga xizmat qiladi. Tadqiqotlar davomida perovskit materiallari va polikonyugatsiyalangan polimerlarning o‘zaro ta’siri, ularning nanogibrid tuzilmadagi holati, shuningdek, ushbu tuzilmalar asosida energiya konversiyasi jarayonlarining fizik-kimyoviy asoslari chuqur o‘rganiladi.

II yo‘nalish mavzusi:
«O‘zbekistonda ishlab chiqarilayotgan poliolefinlar asosida nanokompozitsion polimer-polimer aralashmalar materiallarini yaratish (fundamental maqsadga yo‘naltirilgan tadqiqot)».
Mazkur yo‘nalish mahalliy xomashyo asosida yuqori texnologik va mustahkam nanokompozit polimer materiallarini ishlab chiqishga qaratilgan. Tadqiqotlar orqali poliolefinlarning boshqa polimerlar bilan o‘zaro aralashish xususiyatlari, ularning nanoyordamida mustahkamlanish mexanizmlari, va yakuniy materiallarning struktura-xossalar bog‘liqligi tahlil qilinadi. Bu esa, yurtimizda mavjud polimer sanoati imkoniyatlaridan samarali foydalanishga xizmat qiladi.