Xalqaro hamkorlik

      Xitoy Fanlar akademiyasi Dalian kimyoviy-fizika Institutining (DKFI) bir guruh olimlari - Jia Xiaochen， Li Kuikui， Li Tang va Xie Hongguo joriy yilning 7-11 aprel kunlari o`zaro ilmiy aloqalarni mustahkamlash va tajriba almashish maqsadida O'zbekiston Respublikasi Fanlar akademiyasi Polimerlar kimyosi va fizikasi institutiga rasman tashrif buyurishdi. Institut direktori, texnika fanlari doktori, professor A. A. Ataxanov mehmonlarni qabul qilib, tashrif rejasi bo`yicha fikr almashishdi.

Tashrif davomida Institutda olib borilayotgan istiqbolli ilmiy tadqiqotlar bilan tanishish va malaka almashinish rejasi ham ko’zda tutilgan. Shu munosabat bilan tashkil etilgan ilmiy seminarda Institutdagi laboratoriyalar va olib borilayotgan izlanishlar, jumladan, tabiiy polimerlar asosidagi biofaol, ekologik xavfsiz preparatlar haqida taqdimot qilindi. Shuningdek, xitoylik professorlar Jia Xiaochen， Li Tang va Xie Hongguo Xitoy Fanlar Akademiyasi DKFI da oligo- va nanopolisaxaridlar hamda ular hosilalarining asosidagi agropreparatlar va ularning ta`sir mexanizmlarini tadqiq etish bo`yicha ma`ruzalari tinglandi. Chet ellik olimlar Institutda olib borilayotgan ishlar bilan tanishib, o`zaro fikr almashtirishdi, muhokamalarda yosh olimlar faol qatnashishdi.

Institut direktori, professor A.A. Ataxanov va Dalian kimyoviy-fizika Instituti Ilm-fan va Texnologiya bo`limi direktori professor Yu Xiao tomonidan ilmiy hamkorlik to`g`risidagi Memorandum imzolandi.

Sana:15.04.2025